شو؟ نسيتو؟
شو نسيتو الحرب؟ نسيتو كم أم وأب احترق قلبهم على اولادهم يللي في منهم بعدن لهلق مفقودين؟ نسيتو الايتام؟ نسيتو المتضررين والمعوقين؟ نسيتو الجار يللي عم يقتل جاره والخي يللي عم يشنق خيو؟ نسيتو أنه الحرب ما إليها دين أو رب؟ نسيتو أنه الحرب ما إلها أصلا سبب؟ ولو كان في سبب بيضيع مع الوقت وبتنسو ليش بلشتو من الأول تقاتلو بعض؟ حدا منكم قادر يقلّي على شو مختلفين اليوم؟
شو نسيتو أنه العدو بعده عدو؟ نسيتو انه صملحته يفرقنا؟
شو نسيتو الشهيد محمد الدرة؟ نسيتو كيف صورته هزّت العالم كله؟ نسيتو أنه كل يوم في عشرات ومئات من محمد الدرة بلبنان، بسوريا، بالعراق، بفلسطين، بمصر، بتونس، بليبيا وما حدا عم ينهز؟
شو نسيتو لما اغتالوا شخصيات سياسية وصحافية وعسكرية ليسكتوهم؟ نسيتو كيف نزلتو عالشارع لتصرخو بصوتهم؟ نسيتو كيف خليتو الظالمين يخافو منكم بساحة الشهداء؟ طلب هلق لما عم يغتالوكم ليه ساكتين؟ وين صرختكم؟ ولاّ شهداء الضاحية وطرابلس والجنوب وبعلبك وعكار والاشرفية وعبرا وباب التبانة وجبل محسين ما بيستاهلو؟
شو نسيتو فيروز والرحابني ووديع وزكي ونصري؟ ما حلّو يرجع ويتعمر لبنان؟ ما بتتذكرو الوطنية الا لما تكونو بالغربة؟ شو بصرلكن لو بتتذكروها انتو وهون؟
شو نسيتو القرآن “مَن قَتَلَ نفساً فكلأأنما قَتَلَ الناس جميعاً”؟ نسيتو شو قال الرب لموسى في الوصايا العشر “لا تقتل. لا تزنِ. لا تسرق”؟ معليش اسمحولي الدين والايمان مختلفين… الايمان بتحسو بس الدين بدو حك راس وإذا ما بدكن تحكو راسكن وتفهمو فخليكم بعاد عن الدين واستمرو بالايمان صدقوني ربنا غفور بيكفي الإيمان…
إذا مشتكلتكم النسيان يا ريت بتنسو مناطقكم وبتتذكروا انه لبنان كله ما بيطلع بحجم ضيعة بالصين… يا ريت بتنسو السلاح وبتذكرو الورقة والقلم والتطور… يا ريت بتنسو غريزتكن الطائفية وبتتذكرو انكم بكل بساطة بشر…
دينا الحجار
Dina Hajjar 
A reblogué ceci sur abedkarim58elcheikh and commented:
Add your thفي هذا الصباح,وجدت انه غاب عن بال الكثرين شئ.وهو نعمة النسيان.ولكن ارغمنا البعض على شئ اخر وهو مصيبة التجهيل.نعم هذه المصيبة تفشت بيننا,وصرنا نركض وراء سراب.وكلما سمعنا خبر وتناقلته وسائل الاعلام,حملناه تحت ابطنا ورحنا ننشره هنا وهناك.صارت كل وسيلة تتحرى الكذب وتشيعه.ولكن ان نسينا لا نتجاهل…نحن مصيبتنا الجهل من الاخرين…وسوف نجهل فوق جهل الجاهلين ان استمر البعض في هذه السياسة…
وصباحكم كله نسيان..oughts here… (optional)