عمو أبو شربل زلمي عمره فوق السبعين وبعده بيركض… بيركض كرمال ألف ليرة تساعده يسكر حق الدواء تيستر يلي بقي من أخرته… كرامته ما سمحتله يشحد… عمو أبو شربل مصر يتعب تيرتاح…
تعرفت عليه بيوم شتي.. كنت ناطرة سرفيس وهو وقفلي بعد ما ضليت ناطرة 15 دقيقة بالصقعة وما حدا يرضى ياخدني بحجة العجقة وقال لي حرفياً: “طلعي يا بنتي، طلعي يسواني ما يسواكي”. فجأة بوقف على جنب حد رجل متشرد وبناوله مصاري… لما حاولت أدفعله وحاولت عوضله عن زكاته اطلع فيي وقلي: “إذا بدك تساعدي هالمتشرد بلف وبرجع لعنده وبتساعدي” وما رضي ياخد أكثر من قيمة اتعابه…
عمو أبو شربل علمني ب-20 دقيقة شو يعني إنسانية وشو يعني كرامة… درس بعدني بفكر في لأخر يوم بعمري، وبتمنى إذا صرت بعمر أبو شربل ضلني قوية عم بركض وحافظ على كرامتي وضل أتعب تأرتاح…
Dina Hajjar 